دورة عن سلامة الأغذية

تعلن
أسرة لمــــسة خــــــــــــير
عن
دورة تدريبية عن سلامة
الأغذية " food safety " بمركز تحليل الأغذية وذلك في الإجازة الصيفية
& مدة الدورة : يومان والحجز مع أستاذ أحمد سكرتارية قسم مراقبة
الأغذية باشتراك رمزي 40 جنيها .
في نهاية الدورة يحصل المشتركين في الدورة على شهادة تثبت أنه حصل على هذه الدورة .
الدورة موثقة من الكلية ومن يحصل عليها فأنه يكون قد أدى التدريب الصيفي السنوي .
وبالتوفيق إن شاء الله

السلام عليكم ورحمة الله وبركاته

لو سمحت يا دكتور محمود انا كل ما أروح ل ا/أحمد مش بيبقى موجود وعاوزة أحجز أعمل ايه
مع العلم انى كنت هناك امس واليوم أعمل ايه أكتر من كده

وعليكم السلام ورحمة الله وبركاته
ممكن تسجلى معايا يا دكتورة عادى
وانا هاسجل اسمك مع احمد ان شاء الله

الاسم/ هدير منير شوكت
الفرقة/ الرابعة

تمام
انا سجلت اسمك خلاص يا دكتورة فى كشف الاسماء
لو فى حد تانى عاوز يسجل بس ناخد البيانات الاسم والفرقة والعنوان
وبعد كده تجمعى الاشتركات وتدهالى ويبقوا كده ان شاء الله مسجلين فى الدورة

خلاص ان شاء الله هشوف كام واحدة عاوزة تشترك واجيب لك الفلوس ان شاء الله
بالنسبة لزيارة مستشفى سرطان الاطفال انا سجلت فيها بس ممكن تاكد لى التاريخ بالضبط لاتى مش متأكدة منه واليوم ده هنروح بدرى ولا لا عشان اكون مرتبة معاهم فى البيت معلش طولت عليك شكرااااااااا جزيلااااااااااااااا

زيارة المستشفى يوم الاتنين 18/7 بعد الامتحانات ان شاء الله
والتجمع ف الغالب هيكون بموقف بنها الساعه 8 او 8 ونص صباحا
وباءذن الله هيكون فى اتوبيس كويس من الجامعة هيودينا ويرجعنا
البرنامج عبارة عن عمل حفلة بقاعة حفلات المستشفى الساعه 12 ظ وتنتهى 2 بعد الظهر
وممكن نعمل زيارات لعنابر المرضى سريعا ونتجمع ونرجع لبنها
بعد كده ممكن نروح دار ايتام فى بنها لمن يرغب واللى عاوز يروح هيروح عادى
الرجوع هنكون على الساعه 4 عصرا باءذن الله فى بنها
ولو فى اى استفسارات تانية هاوضحهالك

شكرااااااا جزيلاااااااااااااااااااا يا د/محمود ان شاء الله هكون معاكم بس ادعى لى ان بابا يوافق لان غالبا اليوم ده هيكون خطوبة اخويا ربنا يستر وياجلوا الخطوبة يومين ولا حاجة بس ع العموم انا معى ورقة مهمة جداااااااااااا لازم توصل المستشفى سواء جيت او لا ممكن اطلب منك طلب ان قبل الزيارة بيوم تؤكد على ان كنت هاجى ولا لا لان لو مش جاية هديك الورقة توصلها بنفسك شكراااااااااااا مرة تانية

لا شكر على واجب
وان شاء الله الظروف تكون كويسة ومبروك لاخوكى وربنا يتمم له بخير
وبالنسبة انى اكد عليكى ان شاء الله هاكد عليكى بس افتكر ياما قبلها تاكدى عليا اكد عليكى ههههه
وبالنسبة للورقة مفيش اى مشاكل ولو فى اى حاجة هتعوزى توصليها المستشفى ادهالى واعتبريها وصلت
ولا شكر على واجب وبالتوفيق ان شاء الله
لو مكنش فى نصيب وجيتى معانا الزيارة ان شاء الله كريم هيعمل زيارة تانية يوم 28/7
والله الموفق والله المستعان

» دورة ال food safety